Lorem ipsum dolor sit amet,
لاس اینجلس میں رواں ہفتے منعقد ہونے والی خیراتی تقریب “فنکار برائے امداد” (Artists for Aid) کے منتظمین نے 55 لاکھ ڈالر جمع کرنے میں کامیابی حاصل کی، جو مکمل طور پر فلسطینی بچوں کے امدادی فنڈ (PCRF) اور امریکی سیاہ فام سوڈانی ڈاکٹروں کی تنظیم کے لیے مختص کیے گئے۔
تقریب کی میزبانی عالمی شہرت یافتہ فلسطینی نژاد امریکی ماڈل بیلا حدید اور امریکی۔چلی اداکار پیڈرو پاسکل نے مشترکہ طور پر کی، جبکہ اس پروگرام کا اہتمام کینیڈین۔سوڈانی شاعر مصطفیٰ الاحمد نے کیا۔ تقریب میں فنکاروں اور بڑی تعداد میں عوام نے شرکت کی۔
تقریب سے خطاب میں بیلا حدید نے کہا کہ اس ایونٹ کا مقصد فلسطینی اور سوڈانی عوام کے ساتھ یکجہتی کا اظہار ہے، جو شدید انسانی بحران کا سامنا کر رہے ہیں۔ ان کے مطابق ان خطوں میں بے شمار خاندان قتل، نقل مکانی، بھوک اور تشدد کا شکار ہیں۔ بیلا حدید نے کہا کہ ان خاندانوں کو یاد رکھنا اور ان کی بات کرنا بھی ایک طرح کی مزاحمت ہے، اور اس بات پر زور دیا کہ ان کی آوازیں بلند رکھی جائیں تاکہ یہ واضح ہو کہ وہ تنہا نہیں اور انہیں فراموش نہیں کیا گیا۔
تقریب میں تقریباً 20 فنکاروں نے شرکت کی، جن میں الیکس جی اور ڈینیئل سیزر شامل تھے، جبکہ ہزاروں افراد بطور سامع موجود رہے، جن میں بیلا حدید کے خاندان کے چند افراد بھی شامل تھے۔
واضح رہے کہ یہ Artists for Aid کی تیسری تقریب تھی، اس سے قبل دو تقریبات نیوآرک (نیو جرسی) اور لندن میں منعقد کی جا چکی ہیں۔
