معروف موریطانیہ کے اسلامی اسکالر شیخ محمد الحسن ولد الددو نے حالیہ حالات کے تناظر میں ایک اہم فتویٰ جاری کرتے ہوئے دنیا بھر کے مسلمانوں سے فلسطینیوں کی مالی اور اخلاقی حمایت کی اپیل کی ہے۔
اپنے بیان میں شیخ الددو نے کہا کہ موجودہ صورتحال میں فلسطین کی حمایت مسلمانوں کی اجتماعی ذمہ داری ہے۔ انہوں نے اس بات پر زور دیا کہ مسلم اُمہ کو متحد ہو کر ہر اُس کوشش کا ساتھ دینا چاہیے جو فلسطینی عوام کے حق میں ہو۔
شیخ الددو نے اپنے فتویٰ میں واضح طور پر کہا کہ اسرائیل کی مدد کرنے والی کمپنیوں کی مصنوعات کی خرید و فروخت شرعاً حرام ہے۔ ان کے مطابق ایسے کاروباری لین دین میں حصہ لینا اسلامی تعلیمات کے خلاف ہے، اس لیے مسلمانوں کو چاہیے کہ وہ اسرائیلی مصنوعات اور اُن برانڈز کا بائیکاٹ کریں جو اسرائیل کی معاونت کرتے ہیں۔
انہوں نے مسلم ممالک سے سیاسی اور معاشی تعلقات پر نظرِ ثانی کرنے کی بھی اپیل کی اور کہا کہ امتِ مسلمہ کو اتحاد، شعور اور عملی اقدامات کے ذریعے فلسطینی عوام کے ساتھ کھڑا ہونا چاہیے۔
