حماس کے ترجمان حازم قاسم نے فلسطینی اتھارٹی پر تنقید کی ہے جسے انہوں نے غزہ کی پٹی میں عام شہریوں کے خلاف بڑھتی ہوئی جنگ اور مسلسل قتل عام کے حوالے سے سرکاری مؤقف کی غیر موجودگی قرار دیا ہے ۔
قاسم نے ہفتے کے روز ایک پریس بیان میں کہا کہ غزہ میں جو کچھ ہو رہا ہے اس پر فلسطینی اتھارٹی کی سرکاری خاموشی حیران کن ہے، اور انہوں نے نشاندہی کی کہ ان حالات کے حوالے سے ان کے مختلف اداروں کی طرف سے کوئی میڈیا بیانات یا عملی اقدامات سامنے نہیں آئے ۔ انہوں نے مزید کہا کہ بیرونِ ملک فلسطینی اتھارٹی کے سفارت خانوں نے، ان کے بقول، کوئی سنجیدہ قدم نہیں اٹھائے تاکہ غزہ میں فلسطینیوں پر ہونے والے مظالم کو انٹرنیشنل کمیونٹی کے سامنے پیش کیا جا سکے یا اسرائیلی زیادتیوں کو بے نقاب کیا جا سکے ۔
قاسم نے بیرونی سطح پر ایک وسیع تر فلسطینی تحریک کی غیر موجودگی پر بھی تنقید کی، اور واضح کیا کہ پی ایل او (منظمہ تحریر فلسطینیہ) کے اداروں، عوامی تنظیموں یا مختلف جگہوں پر موجود فلسطینی گروپوں کی طرف سے غزہ کے لوگوں کے خلاف جاری اس مسلسل قتل عام کو روکنے کے لیے کوئی ٹھوس ایکشن نظر نہیں آ رہا ۔
