اسرائیلی فوج نے جمعرات کے روز جنوبی لبنان کے شہر النبطیہ کے گردونواح میں دوبارہ پیش قدمی کی ہے، جس کا مقصد ‘علی الطاہر’ کی سٹریٹجک بلندیوں تک پہنچنا ہے جنہیں وہ پچھلے دو سالوں سے نشانہ بناتی آ رہی ہے۔ لبنانی سکیورٹی ذرائع کا خیال ہے کہ اس پیش قدمی کا مقصد حزب اللہ کی زیر زمین سرنگوں اور تنصیبات تک رسائی حاصل کرنا ہے۔ اس دوران اسرائیلی ٹینکوں کی کفرتبنیت اور النبطیہ الفوقا کی طرف پیش قدمی جاری ہے، جبکہ حزب اللہ کے ساتھ شدید جھڑپوں کی اطلاعات ہیں جس میں کئی ہلاکتوں کے دعوے کیے گئے ہیں۔
