مرکز اطلاعات فلسطین
مقبوضہ مغربی کناروں اور مقبوضہ بیت المقدس میں گذشتہ ایک ہفتے کے دوران غاصب صہیونی دشمن کے خلاف بہادرانہ مزاحمتی کارروائیوں کا سلسلہ مسلسل جاری رہا جہاں مختلف علاقوں میں 54 مزاحمتی کارروائیاں دستاویزی شکل میں ریکارڈ کی گئی ہیں۔
فلسطینی معلوماتی مرکز "معطی” نے اپنی تازہ ترین رپورٹ میں قابض اسرائیل کے خلاف ایک گاڑی سے کچلنے کی کارروائی کے ساتھ ساتھ غاصب یہودی آباد کاروں کی گاڑیوں کو نقصان پہنچانے کی دو کارروائیاں بھی ریکارڈ کی ہیں۔
مرکز نے قابض اسرائیلی افواج کے ساتھ مختلف مقامات پر مٹھ بھیڑ اور 37 شدید جھڑپوں کو بھی دستاویزی شکل دی ہے، جن کے دوران مقبوضہ مغربی کناروں کے متعدد علاقوں میں غیور فلسطینی نوجوانوں کی طرف سے دشمن پر شدید پتھراؤ کیا گیا۔
یہودی آباد کاروں کی غنڈہ گردی اور وحشیانہ حملوں کا جرات مندانہ مقابلہ کرنے کے فریم ورک کے تحت، اسی مدت کے دوران مختلف علاقوں میں فلسطینی نوجوانوں اور مقامی عوام کی جانب سے یہودی آباد کاروں کی مسلح ملیشیاؤں کے خلاف دلیری سے ڈٹ جانے اور ان کا راستہ روکنے کے 12 واقعات درج کیے گئے ہیں۔
گذشتہ ہفتے کے دوران غاصب صہیونی ستم کے سائے میں مظلوم فلسطینیوں کے جائز حقوق، مزاحمت کی بھرپور حمایت اور عظیم شہدا کے مقدس مشن کی تائید و نصرت کے لیے دو بڑے احتجاجی مظاہروں کا انعقاد بھی کیا گیا۔
