اسرائیلی جیل میں قید فلسطینی ڈاکٹر حسام ابو صفیہ، جو شمالی غزہ کے کمال عدوان ہسپتال کے ڈائریکٹر ہیں، نے اپنی عدالتی سماعت کے دوران اس بات پر زور دیا کہ ان کی گرفتاری کا کوئی قانونی جواز نہیں ہے، اور واضح کیا کہ انہوں نے صرف مریضوں کو طبی دیکھ بھال فراہم کرنے کا اپنا پیشہ ورانہ اور انسانی فرض ادا کیا ہے۔
وکیل ناصر ابو عودہ نے اسیر ڈاکٹر ابو صفیہ کا پیغام پہنچاتے ہوئے بتایا کہ وہ بچوں کے ڈاکٹر ہیں جنہوں نے اپنی تمام تر توانائیاں غزہ میں مریضوں، زخمیوں اور کمزور ترین طبقے کے علاج کے لیے وقف کر رکھی تھیں۔
ابو صفیہ نے اپنے پیغام میں مزید کہا: "میں نے بین الاقوامی قانون اور انسانی معیارات کے عین مطابق اپنا کام کیا ہے، میری گرفتاری سراسر ظالمانہ اور غیر قانونی (تعسفی) ہے”، اور انہوں نے اپنی فوری رہائی کا مطالبہ کیا۔
وکیل ابو عودہ نے وضاحت کی کہ انہوں نے عدالت میں اپنے مؤکل کے حق میں فیصلہ جاری کرنے کی درخواست جمع کرا دی ہے، اور امید ظاہر کی ہے کہ یہ فیصلہ آئندہ چند گھنٹوں یا دنوں میں آ سکتا ہے۔ (المرکز الفلسطيني للإعلام، 11/6/2026)۔
